domingo, 21 de xuño de 2015

Vacairón na Estrada

De paseo con Pichel pola Estrada, isto foi o que vin:


Preme sobre a imaxe para visualizar o libriño en pantalla completa

sábado, 20 de xuño de 2015

Adiviña con enxeño polisémico

As irmanciñas seguen traballando, malia o cansazo acumulado ao longo do curso. Parabéns! Quen non se rende, dorme satisfeit@.


mércores, 17 de xuño de 2015

Comando PuntoGalego en París


Regresou con éxito o Comando PuntoGalego enviado a París nos últimos días coa misión de liberar cinco libros na capital gala.

Tras un pequeno incidente no aeroporto, no transcurso do cal un dos membros do comando foi obrigado a amosar o contido da súa maleta, os exemplares de literatura galega puideron finalmente ser postos en liberdade en diferentes puntos da metrópole que non podemos revelar.

Os integrantes do grupo deberon empregar a súa astucia para pasaren inadvertidos, camuflándose entre os turistas, como aconteceu nos arredores da Torre Eiffel, onde se deixaron fotografar xunta uns mestres xubilados de Navia de Suarna para non levantaren sospeitas.

Unha vez máis, Vacairón triunfa na misión!

luns, 15 de xuño de 2015

domingo, 14 de xuño de 2015

O rato da casa e o rato do monte

Dos contos populares sempre aprendemos algo. Neste caso, que tras as cousas demasiado fáciles adoita haber gato encerrado (nunca mellor dito).

venres, 12 de xuño de 2015

999!

E punto.



Un traballo de Gabriel, Miguel, Adrián, Ángela e Raúl (4º ESO)


O punto está de moda


Por fin chegou o suadoiro para a deseñadora do noso logotipo, e así lucía esta mañá con el.
Unha prenda ao xeito para cando refresca (10º C en Escairón ás 10 da mañá). 
A que lle di moi ben?


[Aínda que o DRAG recolle o vocábulo "suadoiro" unicamente para denominar a 'manta que se lle pon ás cabalarías debaixo da sela', o Gran Dicionario Xerais contempla outras dúas acepcións: 'pano para limpar a suor' e 'peza de roupa deportiva  con forma de xersei'].

mércores, 10 de xuño de 2015

Vacairón en Abuime

A pasada fin de semana, Vacairón visitou a parroquia de San Xoán de Abuime, convidada por Fátima, quen nos enviou algunhas fotografías das aventuras da vaquiña explorando o lugar: na cima dun bocoi, agatuñando polo dolmen ou asomada temerariamente á solaina dunha casa vella.


E velaquí vos vai unha pregunta morfolóxica relacionada coa imaxe central da fotomontaxe: 

Cal é o plural da palabra "dolmen"?

Se es a primeira persoa en enviar a resposta correcta: PREMIO!

luns, 8 de xuño de 2015

Todo o que vén na rede é peixe


Así de estupendo quedou o traballo de Ángel, Brais, Fran e Manuel (1º ESO) cos hipónimos do hiperónimo 'peixe'. Primeiro investigaron en Internet na procura de información e logo debuxaron e pintaron sobre a cartolina os animaliños que eles mesmos escolleron. Parabéns, mozos!

domingo, 7 de xuño de 2015

Vacairón en Ourense

[Para leres ben os textos, preme sobre a icona de lectura a pantalla completa.]

Se queres converter os teus traballos con extensión .pdf en libriños coma este, non tes máis que rexistrarte en Calaméo.
É fácil, fácil.

Vacairón en Avifauna

Esta semana, a vaquiña acompañou o alumnado de Infantil ata Outeiro de Rei, para visitar o centro de interpretación ornitolóxica Avifauna. Alí puido coñecer en vivo algunhas aves moi interesantes; como o pavón branco, o casuario ou a pita do monte.
Se queredes coñecer polo miúdo canto aprendeu a rapazada nesta excursión, non esquezades ler o boletín do mes de xuño do "cole", que publicará unha reportaxe completiña da visita ao parque.

venres, 5 de xuño de 2015

Ata pronto, Taylor!

We know that you leave
but we'll also miss you
as the wind carrying leaves
you leave us you will feel like a gunshot.

You will always be in our hearts,
and now you say you want.
From any point on Earth,
our love for you is like desert sand.


Xa sabemos que ti te vas,
pero botarémoste de menos,
aínda que a nosa amizade estará
desde o fondo do mar ata o ceo.

Sempre estarás no noso corazón,
aínda que agora pártese cun raio,
ao verte marchar de Escairón
ata a outra punta de Ohio.

                         1º ESO

mércores, 3 de xuño de 2015

Vacairón en Vilelos


Carla levou a Vacairón ata a parroquia de San Martiño de Vilelos. 
E aquí vos vai a proposta relacionada con esta entrada: quen será a primeira persoa en enviarnos os nomes de todos os lugares de tal parroquia do Saviñao?
Xa sabedes onde encontrar a resposta: no nomenclátor da Xunta de Galicia.

PuntoGalego e YouTube: 1ª cita

Pois, si. Onte tivo lugar a primeira cita entre o noso blog e a canle de vídeos máis coñecida. 
E, como adoita acontecer nos primeiros encontros, non todo foi perfecto... Houbo nervios, erros... e ao remate, PuntoGalego deu en matinar: por que fixen isto así e non asá?, pero que zoupón fun en tal momento... 
Aínda así, eu penso que volverán quedar e que a cousa sairá mellor.
Será este o comezo dun grande idilio?

Seredes testemuñas oculares e auditivas deste primeiro achegamento, se premedes no seguinte enlace. E lembrade: se credes que este romance ten futuro, dádelle ao polgar para arriba;)

luns, 1 de xuño de 2015

Vacairón toma partido


Vacairón apoia os equipos galegos (nomeadamente, o deporte de base; e o xogo máis que a competición), sen esquecer a denuncia das malfeitorías da FIFA e demais corruptelas do espectáculo futbolístico.

domingo, 31 de maio de 2015

Vacairón en Lugo

A cidade bimilenaria
visitei esta semana,
percorrín a súa muralla
como unha antiga romana.
Non gocei dun baño relaxante
por mor do cristal de diante,
mais contemplei a catedral:
monumento sen igual.
Continúo as miñas viaxes
polas vilas e as paisaxes;
camiño o mundo sen temor
porque eu son... 

VACAIRÓOOON!

sábado, 30 de maio de 2015

Vacairón na competición

Onde dirías que estivo este venres a vaquiña de PuntoGalego?

E aquí vai o inquérito de hoxe:
Envíanos un comentario explicando de onde procede a palabra "derby" (non rexistrada no DRAG, pero si no Gran Dicionario Xerais da Lingua) e se a túa resposta é completiña, recibirás un pequeno xoguete tradicional.

xoves, 28 de maio de 2015

O cuco, cuco, cuqueiro

A rapazada de 4º de Educación Primaria está imparable... Como pasa coas cereixas, que cando colles unha, sempre lle veñen enganchadas outras no rabo, cada nova creación inspíralles outra. Así dá gusto! Bo traballo, moz@s!
  

O cuco, cuco, cuqueiro
cucou, cucou, cucou;
o cuco, cuco, cuqueiro
cucou, cucou, cucou:
os oviños do niño
tirou, tirou, tirou!

O acróstico de Taylor

Un agasallo do alumnado de 4º de Educación Primaria

Vacairón na Pobra do Brollón



Trasantonte Vacairón,
coa "profe" Luisa marchou.
Paseouna por todo Eixón,
que está na Pobra do Brollón.

Viu igrexas e letreiros,
muíños e castiñeiros;
mais non se puido resistir...
e ao sinal colocoulle o til.

Moi ben feito, Vacairón:
ao incorrecto, dille "NON"!

mércores, 27 de maio de 2015

O recuncho de Ana e Alicia

Ana (2º ESO) envíanos estas imaxes editadas por ela mesma, e cóntanos que este é un dos seus recunchos favoritos (A Telleira da Peiceira, en San Salvador de Vilaesteva), ao que acode coa súa amiga Alicia (1º ESO) usando como medio de transporte a bicicleta. Estas mozas sonvos ecoloxistas. Bravo!

O arrolo de Fiona


O arrolo de Mercedes

O arrolo de Miriam


Pregunta:
Con que outro nome común se coñece o raposo?

O arrolo de Candela


Se queres saber como se conxuga o verbo "durmir", que ten alternacia vocálica, preme AQUÍ

O arrolo de Anás

Arrolo, nana, canto de berce... para adormentar os cativos na Ribeira Sacra (ou onde cumpra)

O arrolo de Pedro

Aquí tes outra oportunidade para gañares un premio investigando:

QUE É UN COCO DE LUZ?

Escribe a túa resposta como comentario nesta entrada do blog. Sorte!

O arrolo de Usama

O arrolo de Jairo

Aquí vai unha pregunta que debes investigar: a palabra 'cuco', ademais de ser o substantivo que designa a ave da imaxe e mais un adxectivo para referírmonos ás persoas astutas...

QUE OUTRO SIGNIFICADO TEN?

Envíanos a túa resposta como comentario, e se es a primeira persoa en responder adecuadamente, obterás un premio. Lembra que podes consultar o DRAG (Dicionario da Lingua Galega) en liña e de balde, sen rexistros nin historias.

Vacairón coa patinaxe

Fotografía editada e remitida por Julia (4º ESO)

A pregunta de hoxe é a seguinte:

CAL É O PLURAL DE 'CLUB' EN GALEGO?

Envíanos a túa resposta como comentario a esta entrada do blog, e lembra que podes consultar o DRAG (Dicionario da Real Academia Galega) en liña e de balde.

luns, 25 de maio de 2015

Vacairón en Vilamor


Onte Vacairón escolleu os pastos dun lugar cun topónimo ben fermoso; e aproveitando tal circunstancia, propoñémosvos unha nova investigación con premio para quen responda correctamente e en primeiro lugar: 

CAL É O NOME COMPLETO DA PARROQUIA Á QUE PERTENCE VILAMOR? 

[Queda excluído expresamente do concurso o autor da fotografía e parroquiano do lugar, Iker].

Animádevos a consultar o nomenclátor. Yolanda (4º ESO) xa recibiu o seu agasalliño tras dar coa resposta certa á anterior pregunta proposta desde PuntoGalego.

Moda galega II


Desta volta, quen nos sorprendeu chegando ao colexio vestido con moda galega, foi o noso profesor de conversa favorito (in English, of course). Taylor exhibe camiseta reivindicativa con lema e mapa, deseñada e "customizada" pola profesora de Plástica, Ana Quintela. Como complemento ideal, o rotulador de PuntoGalego feito por Ana Martínez, de Educación Infantil. O sorriso perfecto non admite copia nin precisa ornato adicional.

O acróstico de Vladislav

 

O acróstico de Anás


O acróstico de Fiona


O acróstico de Soraya


sábado, 23 de maio de 2015

O acróstico de Adrián


O acróstico de Pedro

O acróstico de Candela

O acróstico de Uxía


O acróstico de Catalin


O acróstico de Jairo


O acróstico de Andrés


O acróstico de Miriam


O acróstico de Mercedes


O acróstico de José Manuel


O acróstico de Usama


venres, 22 de maio de 2015

Para Lourdes




Lourdes, inda que hai moito tempo disto,
todos te recordamos con moitísimo amor.
Este colexio sempre vai ser o teu sitio,
decote vas ter un lugar en Escairón.

Todo o colexio te recorda con admiración,
como unha das mellores profesoras do mundo,
pois espertas en nós unha gran paixón;
causa en nós, a túa marcha, un pesar coma o chumbo.

Por iso nós agora querémosche dicir,
que es ti e só ti, quen pode estar
dentro de nós e vai existir 
un corazón que sempre te amará.

xoves, 21 de maio de 2015

Moda galega

Adrián loce sobre os ombreiros o estampado que será tendencia este verán: puntiños galegos a esgalla. Para esta ocasión, a estilista Tania decidiu arroupalo cun pano de lunariños brancos sobre fondo azul. Coa gorxa ben abrigadiña, Adrián traballa tranquilo coa súa baralla de Vacairón exclusiva, sen medo aos cambios de temperatura bruscos propios da tempada primaveral.

Vacairón en Pantón

Antonte Vacairón marchou de paseo con Ángela para coñecer algúns lugares da contorna. Como unha turista máis, deixou constancia do seu paso polas aldeas e parroquias fotografándose xunta os letreiros. 
Podes consultar o nomenclátor da Xunta de Galicia AQUÍ, para localizar o erro ortográfico que se agocha nun dos sinais. Mándanos a túa resposta como comentario e talvez recibas un premio de PuntoGalego.

martes, 19 de maio de 2015

Xeroglífico 6

Un traballo de Yoli e Nerea

Isabeliña

Ilustradores: Fátima e Raúl
Esta é a lenda de Isabeliña, recollida por Sara en Escairón.

  Isabeliña era unha pequena moi riquiña. Sempre levaba pastar as vacas ao monte, despois de facer as súas tarefas.
  Un día, de camiño á súa casa, encontrouse cunha señora moi miudiña e vella: era unha moura. A moura, sen presentarse, acercouse a ela e deulle un vestido de seda azul precioso, con brillos arredor da cintura. A moura advertiulle que non lle podía dicir a ninguén quen lle dera aquela roupa. Isabeliña marchou para a súa casa moi contenta polo seu regalo.
  Ao entrar na casa, a mai preguntoulle polo traxe, pero a nena non respondeu. Cando a mai tomou medidas extremas, Isabeliña rompeu a chorar e contou toda a historia.
  Ao día seguinte, cando se dirixía ao monte, Isabeliña encontrouse coa moura. Esta levouna ata unha cova moi escura, afastada do camiño á aldea. Chegaba a noite e Isabeliña non volvera. A súa mai saíu da casa e chamou por ela. De súpeto, unha voz desgastada respondeulle así:
  - Isabeliña, Isabelón,
  converteuse en aceitón!